«Everton» klubi liverpulliklar safida ijara asosida to‘p surayotgan vinger Jek Grilishni o‘z tarkibida saqlab qolmoqchi. Biroq «irislar» rahbariyati hozircha futbolchini «Manchester Siti»dan to‘liq sotib olishga tayyor emas. Bu haqda The Athletic nashri xabar bermoqda.
«Everton» rahbariyati «shaharliklar» bilan tuzilgan ijara shartnomasida ko‘rsatilgan taxminan 50 mln yevro miqdoridagi mablag‘ni to‘lash niyatida emas. Bundan tashqari, liverpulliklarni Grilishning moliyaviy talablari ham ikkilantirmoqda — futbolchi taxminan 1,3 mln yevro maosh olmoqda. Ayni damda eng ehtimolli variant — ijara muddatini uzaytirish bo‘lib turibdi.
Eslatib o‘tamiz, angliyalik futbolchi 2025 yilning yozida ijara asosida «Everton»ga o‘tgan edi. Joriy mavsumda Grilish 22 ta o‘yinda maydonga tushib, ikkita gol va oltita golli uzatmani amalga oshirdi.
