Қозоғистоннинг "Актобе" клуби Европа лигаси 4-саралаш босқичининг дастлабки ўйинида Киевнинг "Динамо"сини қабул қилди ва 2:3 ҳисобида имкониятни  бой берди.

Темур Кападзе ва Александр Гейнрих учрашувни асосий таркибда бошлашди. Айнан ушбу ўзбекистонлик икки футболчининг стандарт вазиятни комбинация тарзда амалга ошириши натижасида "Динамо" дарвозаси ишғол қилинди. Гейнрих тўпнинг устидан ўтиб, жонли девор ёнидан ўтиб кетди ва Кападзе унга тўпни узатди. Саша эса ўткир бурчак остидан дарвоза томон зарба берди ва тўп рекошет ҳолатида дарвоза тўрига бориб тушди. Бу ҳисобда ортда бораётган (0:1) "Актобе"нинг ҳисобни тенглаштирувчи голи бўлди.

Гейнрих, шунингдек, жамоасининг иккинчи голидаги комбанициясида ҳам бевосита иштирок этди. У чиройли тарзда тўпни Арзуманянга узатди ва унинг узатмасидан кейин Хайрулин дарвозани ишғол қилди.

Ҳар иккала легионеримиз ўйиннинг энг сўнгги сониясигача майдонда ҳаракат қилишди.

Жавоб ўйини бир ҳафтадан кейин бўлиб ўтади.