Инсайдер Фабрицио Романо «Барселона»нинг режалари ҳақидаги маълумотлар билан бўлишди. Романонинг сўзларига кўра, Каталония клуби агар яхши таклиф тушса, ёзда ҳужумчи Ферран Торресни сотишга тайёр. «Кўк-анорранглилар» ушбу футболчи бўйича музокаралар учун очиқ бўлишади.
Ферран Торреснинг «Барселона» билан амалдаги шартномаси 2026/2027 йилги мавсум якунига қадар мўлжалланган. Transfermarkt портали 26 ёшли футболчини 50 миллион еврога баҳоламоқда.
Жорий мавсумда Торрес «Барселона» сафида 40 та ўйинда иштирок этди. Ушбу баҳсларда форвард ўз ҳисобига 16 та гол ва битта голли узатмани ёздириб қўйди.
