"Реал Мадрид" бош мураббийи Альваро Арбелоа жамоа ярим ҳимоячиси Жуд Беллингемнинг жисмоний ҳолати ҳақида ўз фикрлари билан ўртоқлашди.
"Вазият бироз ғалати, чунки у "Атлетико"га қарши бир неча дақиқа ўйнаган эди, лекин Тухель уни терма жамоада майдонга туширмасликка қарор қилди. Улар таваккал қилишни хоҳлашмади, лекин Жуд эртага бизга ёрдам беришга тайёр. Унга ўйин тонусини тиклаб олиши учун имконият беришимиз керак", — дея Арбелоанинг сўзларини келтиради Madrid Xtra.
Жорий мавсумда 22 ёшли Беллингем барча мусобақаларда 29 та ўйинда иштирок этиб, 6 та гол урди ва 4 та голли узатмани амалга оширди.
"Реал"нинг навбатдаги ўйини 4 апрель куни "Мальорка"га қарши бўлиб ўтади. Ла Лиганинг 30-тури доирасидаги ушбу учрашув Тошкент вақти билан соат 19:15 да бошланиши режалаштирилган.
