"Real Madrid" bosh murabbiyi Alvaro Arbeloa jamoa yarim himoyachisi Jud Bellingemning jismoniy holati haqida o‘z fikrlari bilan o‘rtoqlashdi.
"Vaziyat biroz g‘alati, chunki u "Atletiko"ga qarshi bir necha daqiqa o‘ynagan edi, lekin Tuxel uni terma jamoada maydonga tushirmaslikka qaror qildi. Ular tavakkal qilishni xohlashmadi, lekin Jud ertaga bizga yordam berishga tayyor. Unga o‘yin tonusini tiklab olishi uchun imkoniyat berishimiz kerak", — deya Arbeloaning so‘zlarini keltiradi Madrid Xtra.
Joriy mavsumda 22 yoshli Bellingem barcha musobaqalarda 29 ta o‘yinda ishtirok etib, 6 ta gol urdi va 4 ta golli uzatmani amalga oshirdi.
"Real"ning navbatdagi o‘yini 4 aprel kuni "Malyorka"ga qarshi bo‘lib o‘tadi. La Liganing 30-turi doirasidagi ushbu uchrashuv Toshkent vaqti bilan soat 19:15 da boshlanishi rejalashtirilgan.
