"Челси" вингери Михаил Мудрик допинг иши бўйича суриштирувлар якунида тўрт йилга футболдан четлатилиши мумкин. Бу ҳақда Британия оммавий ахборот воситалари хабар бермоқда.
Шуни таъкидлаш керакки, тергов давом этаётган вақтда украиналик футболчи аллақачон футболдан четлатилган эди. У 16 ойдан бери майдонга тушмаяпти. Ушбу муддат умумий тўрт йиллик дисквалификациянинг бир қисми сифатида ҳисобга олиниши мумкин. Агар бу жазо қўлланилса, Мудрик яна 32 ой четлатиш муддатини ўташига тўғри келади.
Қайд этилишича, "Челси" клуби ҳали ҳам футболчининг айбсизлигига ишонишда ва уни қўллаб-қувватлашда давом этмоқда. Агар Мудрик оқланса, у дарҳол майдонга қайтиш имкониятига эга бўлади.
