"Ливерпуль" бош мураббийи Арне Слот матбуот анжуманида иштирок этди. Нидерландиялик мутахассиснинг сўзларига кўра, асосий дарвозабон Алиссон яқин орадаги ўйинларда жамоага ёрдам бера олмайди. Бразилиялик посбон кутилганидан кўпроқ вақтни ўтказиб юборадиган кўринади.
"Алиссон эртага ўйнамайди ва "ПСЖ"га қарши навбатдаги баҳсда ҳам иштирок этмайди. У узоқроқ муддатга сафдан чиқди. Биз унинг мавсум якунига яқин формага киришини кутяпмиз", — деди Слот.
Терма жамоалар танаффусидан олдин Алиссон Премьер-лига доирасидаги "Брайтон"га қарши ўйинни ҳам ўтказиб юборган эди. Эслатиб ўтамиз, шанба куни, 4 апрель куни "Ливерпуль" Англия Кубоги 1/4 финалида "Манчестер Сити" билан куч синашади.
