Мирча Луческу жума куни эрталаб юрак хуружини бошдан кечирди. Руминиялик мутахассис ўтган ҳафтада ҳушини йўқотганидан сўнг шифохонадан чиқишга тайёрланаётган эди, бироқ кутилмаганда "приступ" содир бўлди. Шифокорлар уч марта амалга оширилган реанимация муолажаларидан сўнг 80 ёшли мураббийнинг ҳаётини сақлаб қолишга муваффақ бўлишди.
Журналист Эмануэль Рошунинг ижтимоий тармоқларда ёзишича, тушга яқин Луческу иккинчи бор юрак хуружига учраган. Шифокорлар мураббийни яна ҳаётга қайтаришга эришишди.
Мирча Луческу 2016–2017 йилларда «Зенит» клубини бошқарган. Аввалроқ руминиялик мутахассис «Шахтёр» мураббийлик лавозимида 12 йил фаолият юритган эди. 2009 йилда «тўқ сариқ-қоралар» Луческу қўл остида УЕФА кубогида ғолиб чиқишган.
