Ўзбекистон Суперлигасининг 5-туридан ўрин олган учрашувда «Насаф» Самарқандда «Андижон»ни қабул қилди. Эҳтиёткорлик ва курашларга бой кечган баҳсда қаршиликлар 1:0 ҳисобида ғалаба қозонди.

Ўйиннинг илк дақиқаларида жамоалар асосан эҳтиёткор ҳаракат қилди. 11-дақиқада Рустамовнинг зарбаси ноаниқ чиқди. 15-дақиқада эса Ислом Тўхтахўжаев рақибни қўполлик билан тўхтатиб қолгани учун сариқ карточка олди.

Биринчи бўлим давомида жиддий голли вазиятлар кам кузатилди. Шунга қарамай, тайм сўнггида «Насаф» дарвозабони Абдувоҳиднинг ажойиб сейви жамоасини муқаррар голдан қутқариб қолди. Натижада, биринчи бўлим 0:0 ҳисобида якунланди.

Иккинчи бўлимда ҳам ўйин узоқ вақт давомида тенг курашлар остида ўтди. 68-дақиқада Рустамовнинг хавфли рейди ҳимоячилар томонидан тўхтатилди. Учрашув тақдири эса 77-дақиқада ҳал бўлди.

Зафармурод Абдураҳматов тўпни эгаллаб, олис масофани босиб ўтди ва жарима майдонига кириб, нариги қанотга жуда қулай узатма берди. Муродбек Раҳматов тўпни дарвозага йўллаб, ҳисобни очди. Шу гол ўйиндаги ягона ва ҳал қилувчи зарба бўлиб чиқди.

Қолган дақиқаларда «Насаф» устунликни сақлаб қолишга ҳаракат қилди, «Андижон» эса ҳисобни тенглаштириш учун олдинга ўтди. Бироқ мезбонлар ишончли ҳимоя билан ғалабани қўлдан чиқармади.

Шу тариқа, «Насаф» 1:0 ҳисобида ғалаба қозониб, навбатдаги муҳим 3 очкога эга бўлди.

Суперлига, 5-тур
"НАСАФ" - "АНДИЖОН" - 1:0
Гол: Муродбек Раҳматов (77)