А Серияда март ойининг энг яхши бош мураббийи аниқланди — бу номга «Комо» устози Сеск Фабрегас лойиқ кўрилди. Бу ҳақда Италия чемпионати матбуот хизмати хабар бермоқда.
Ўтган ойда 38 ёшли испаниялик мутахассис шогирдлари А Серия доирасидаги учта ўйиннинг барчасида ғалаба қозонишди. Жамоа «Кальяри» (2:1), «Рома» (2:1) ва «Пиза» (5:0) жамоаларидан устун келди.
Айни дамда «Комо» Италия чемпионати турнир жадвалида тўртинчи поғонани эгаллаб турибди. 30 та турдан сўнг Фабрегас жамоаси ҳисобида 57 очко мавжуд.
Душанба куни, 6 апрель куни «Комо» А Сериянинг 31-тури доирасида сафарда «Удинезе»га қарши майдонга тушади.
