Transfermarkt портали дунёнинг энг қиммат футболчилари рейтингини янгилади, деб хабар бермоқда Sports.kz.

Рўйхатда бирданига уч нафар футболчи пешқадам бўлди — уларнинг ҳар бири 200 миллион евро бозор қийматига эга. Улар қаторига «Барселона» вингери Ламин Ямал, «Манчестер Сити» ҳужумчиси Эрлинг Холанд ҳамда Мадриднинг «Реал» клуби форварди Килиан Мбаппе кирди.

Топ-10 рўйхатидан яна «Реал»нинг уч нафар футболчиси, «Бавария»нинг икки ўйинчиси, шунингдек «Барселона» ва «Арсенал» вакиллари ўрин олди.

Transfermarkt версиясига кўра дунёнинг энг қиммат 10 футболчиси қуйидагича кўриниш олган:

1. Ламин Ямал («Барселона») — 200 млн евро
2. Эрлинг Холанд («Манчестер Сити») — 200 млн евро
3. Килиан Мбаппе («Реал») — 200 млн евро
4. Педри («Барселона») — 150 млн евро
5. Винисиус Жуниор («Реал») — 150 млн евро
6. Жуд Беллингем («Реал») — 140 млн евро
7. Майкл Олисе («Бавария») — 140 млн евро
8. Жамал Мусиала («Бавария») — 120 млн евро
9. Букайо Сака («Арсенал») — 120 млн евро
10. Федерико Вальверде («Реал») — 120 млн евро

Қайд этиш жоиз, рейтингдаги энг ёш футболчи 18 ёшли Ламин Ямал бўлиб, у аллақачон жаҳон футболида бозор қиймати бўйича биринчи ўринни бўлишиб турибди.