«Ливерпуль» бош мураббийи Арне Слот ҳужумчи Муҳаммад Салоҳнинг ўрнини боса оладиган футболчи ҳақида ўз фикрларини билдирди.
Мисрлик футболчи мавсум якунида клубни тарк этиши ўтган ҳафтада маълум бўлган эди.
«Албатта, биз ечим устида ишлаяпмиз. Лекин бу иш ҳозир бошлангани йўқ — биз доимо вазиятни яхшилаш йўлларини излаймиз. Бу ҳақда кам гапирилади, аммо Исак, Экитике ва Вирц майдонда биргаликда атиги 88 дақиқа ҳаракат қилишди, шунинг учун аввал жорий таркибимиз имкониятларини тушуниб олишимиз керак. Ҳеч ким Салоҳнинг ўрнини тўғридан-тўғри боса олмайди. Муҳаммад — ноёб футболчи, у ягона», — деди Слот матбуот анжуманида.
