Италия терма жамоаси ва «Милан» клубининг собиқ ҳимоячиси Алессандро Неста Англия Премьер-лигаси клубида иш бошлаши мумкин эди. Италиялик мутахассисга Лондоннинг «Тоттенхэм» клубидан таклиф тушган.
Инсайдер Николо Скиранинг ижтимоий тармоқлари орқали хабар беришича, Неста «шпорлар»нинг Роберто Де Дзерби мураббийлар штабига кириш ҳақидаги таклифига рад жавобини берган. Мутахассис фақат бош мураббий сифатида ишлаш ниятида ва шунга мос таклифларни кутмоқда.
Нестанинг охирги иш жойи Италиянинг «Монца» клуби бўлиб, у жамоани ўтган йилнинг ёзида тарк этган эди. Айни дамда италиялик футбол афсонаси ишсиз ҳисобланади.
