Italiya terma jamoasi va «Milan» klubining sobiq himoyachisi Alessandro Nesta Angliya Premyer-ligasi klubida ish boshlashi mumkin edi. Italiyalik mutaxassisga Londonning «Tottenxem» klubidan taklif tushgan.
Insayder Nikolo Skiraning ijtimoiy tarmoqlari orqali xabar berishicha, Nesta «shporlar»ning Roberto De Dzerbi murabbiylar shtabiga kirish haqidagi taklifiga rad javobini bergan. Mutaxassis faqat bosh murabbiy sifatida ishlash niyatida va shunga mos takliflarni kutmoqda.
Nestaning oxirgi ish joyi Italiyaning «Monsa» klubi bo‘lib, u jamoani o‘tgan yilning yozida tark etgan edi. Ayni damda italiyalik futbol afsonasi ishsiz hisoblanadi.













