«Ювентус» клуби Лондоннинг «Арсенал» жамоаси қанот ҳимоячиси Риккардо Калафьорини сотиб олиш ниятида. Бу ҳақда журналист Жованни Албанезе хабар бермоқда.

Манбанинг таъкидлашича, Турин клуби президенти Жон Элканн «Ювентус»да италиялик футболчилардан иборат асосий ўзакни шакллантиришни истамоқда. Бу эса ҳам клубга, ҳам Италия терма жамоасига муносиб натижалар кўрсатишда ёрдам бериши лозим. Калафьори жамоанинг эҳтимолий янги аъзоларидан бири сифатида кўрилмоқда.

Жорий мавсумда 23 ёшли ҳимоячи «Арсенал» сафида 29 та ўйинда майдонга тушиб, битта гол ва учта голли узатмани амалга оширди. «Рома» клуби тарбияланувчиси ҳисобланган футболчининг «тўпчилар» билан шартномаси 2029 йилгача мўлжалланган.