«Наполи» ярим ҳимоячиси Кевин Де Брюйне «Милан»нинг хорватиялик хавбеки Лука Модрич ҳақидаги фикрлари билан ўртоқлашди.
«Модрич — юқори даражадаги футболчи. Мен уни жуда яхши танийман. Биз бир-биримизга қарши кўп марта ўйнаганмиз ва тез-тез суҳбатлашиб турганмиз. Мен уни тарихдаги энг яхши ярим ҳимоячилардан бири деб ҳисоблайман. У мен учун ақл бовар қилмас ўйинчи», — дея 34 ёшли бельгиялик футболчининг сўзларини Gazzetta dello Sport нашри келтирмоқда.
Италия А Сериясининг 31-тури доирасида «Наполи» ўз уйида, Неаполда «Милан»ни қабул қилади. Учрашув душанба куни, 6 апрель куни бўлиб ўтади.
