Мадриднинг «Реал» клуби ярим ҳимоячиси Эдуардо Камавинга катта эҳтимол билан «Пари Сен-Жермен»га ўтмайди.
Тарқалган кўплаб миш-мишларга кўра, «қироллик клуби» келаётган ёзда франциялик футболчини сотишга тайёр. Ярим ҳимоячининг хизматлари «ПСЖ»га таклиф қилинган, бироқ парижликлар унинг номзодини кўриб чиқишни рад этишган, деб хабар бермоқда Transfer News Live нашри Media Foot’га таяниб. 23 ёшли ўйинчига, шунингдек, Англия Премьер-лигаси вакиллари ҳам қизиқиш билдираётгани айтилмоқда.
Transfermarkt портали Эдуардо Камавинганинг нархини 50 млн еврога баҳолаган, унинг амалдаги меҳнат шартномаси 2029 йилгача мўлжалланган. Жорий мавсумда футболчи «Реал» сафида 35 та ўйинда майдонга тушиб, иккита гол урди ва битта голли узатмани амалга оширди.
