Мадриднинг «Атлетико» клуби бош мураббийи Диего Симеоне «Барселона» ҳимоячиси Жерар Мартиннинг бекор қилинган четлатилиши билан боғлиқ вазият ҳақида ўз фикрини билдирди.
«Кўк-анорранглилар» футболчиси иккинчи бўлим бошида майдонни тарк этиши мумкин эди, бироқ унинг қўпол ўйини учун кўрсатилган қизил карточка ҳакам томонидан видеотакрорни кўргандан сўнг бекор қилинди. Ўша вақтда «матрасчилар» аллақачон бир киши кам бўлиб ўйнашаётган эди.
«Муҳокама қиладиган гапнинг ўзи йўқ. Ҳакамлар қўмитаси ҳаммасини тушунтириб бера олади, деб умид қиламиз. Мен ўзимни қурбондек ҳис қилаётганим йўқ. Ҳакамлар ҳам худди мураббийлар ва футболчилар каби хато қилишади», – дея Симеоненинг сўзларини келтирмоқда Atletico Universe.
