Madridning «Atletiko» klubi bosh murabbiyi Diyego Simeone «Barselona» himoyachisi Jerar Martinning bekor qilingan chetlatilishi bilan bog‘liq vaziyat haqida o‘z fikrini bildirdi.
«Ko‘k-anorranglilar» futbolchisi ikkinchi bo‘lim boshida maydonni tark etishi mumkin edi, biroq uning qo‘pol o‘yini uchun ko‘rsatilgan qizil kartochka hakam tomonidan videotakrorni ko‘rgandan so‘ng bekor qilindi. O‘sha vaqtda «matraschilar» allaqachon bir kishi kam bo‘lib o‘ynashayotgan edi.
«Muhokama qiladigan gapning o‘zi yo‘q. Hakamlar qo‘mitasi hammasini tushuntirib bera oladi, deb umid qilamiz. Men o‘zimni qurbondek his qilayotganim yo‘q. Hakamlar ham xuddi murabbiylar va futbolchilar kabi xato qilishadi», – deya Simeonening so‘zlarini keltirmoqda Atletico Universe.
