Англиялик ярим ҳимоячи Рубен Лофтус-Чик жароҳат асоратларидан фориғ бўлди ва «Милан»нинг навбатдаги ўйинида майдонга тушишга тайёр. Буни Италия клуби устози Массимилиано Аллегри ҳам тасдиқлади.
«Ҳаммаси жойида, Лофтус-Чик ҳам ўзига келиб олди. Ҳозирда Габбиядан ташқари барча футболчилар сафда, унинг қайтиши эса бир ҳафтадан кейин амалга ошади», — дея Аллегрининг сўзларини келтирмоқда pianetamilan.it.
Эслатиб ўтамиз, А Серия турнир жадвалида «Милан» ўз ҳамшаҳарлари «Интер»ни таъқиб қилмоқда — ҳозирда жамоалар ўртасидаги фарқ олти очкони ташкил этади. Италия чемпионатининг навбатдаги турида «Милан» «Наполи»га қарши баҳс олиб боради.
