«Барселона» бош мураббийи Ханс-Дитер Флик «Атлетико»га қарши кечган баҳсда (2:1) Дани Ольмонинг марказий ҳужумчи позициясидаги ўйини ҳақида ўз фикрлари билан ўртоқлашди.

«Левандовски Жаҳон чемпионати саралаш босқичида иккита ўйин ўтказган эди, шу сабабли биз Ольмони туширишга қарор қилдик. Ольмо бизнинг таркибда ушбу позицияда икки бор тўп сурди ва жуда яхши ўйин кўрсатди», — дея Фликнинг сўзларини келтиради Barça Universal.

Жорий мавсумда 27 ёшли ярим ҳимоячи барча мусобақаларни инобатга олганда 39 та учрашувда иштирок этиб, рақиблар дарвозасини саккиз бор ишғол қилди ва еттита голли узатмани амалга оширди.