«Наполи» клуби бош мураббий Антонио Контенинг Италия терма жамоасига ўтишига тўсқинлик қилмайди.
Эслатиб ўтамиз, аввалроқ Женнаро Гаттузо Италия терма жамоаси 2026 йилги Жаҳон чемпионатига чиқа олмаганидан сўнг ўз лавозимини тарк этган эди. La Gazzetta dello Sport нашрининг ёзишича, Конте миллий жамоада ишлаш истагида ва ушбу лавозимга асосий номзодлардан бири бўлиши мумкин.
Италия футбол федерацияси (FIGC) мутахассиснинг терма жамоада ишлаш иштиёқидан хабардор, раҳбарият эса Антонионинг жамоалардаги ҳолатни қайта тиклаш қобилиятини юқори баҳолайди.
Ҳозирда Конте «Наполи»да катта ҳурмат ва ишончга эга, унинг амалдаги шартномаси 2027 йилнинг июнигача мўлжалланган. Бироқ, бу унинг терма жамоага тайинланишига тўсқинлик қилмаслиги тахмин қилинмоқда.
Неапол клуби президенти Аурелио Де Лаурентис Италия Миллий олимпия қўмитаси собиқ президенти Жованни Малагонинг FIGC раҳбарлигига номзодини қўллаб-қувватлашини билдирган ва мураббийнинг тайинланиши бўйича мулоқотга тайёрлигига ишора қилган.
