Лондоннинг «Арсенал» клуби 18 ёшли бразилиялик ярим ҳимоячи Лукка Маркес билан шартнома имзолашга қизиқиш билдирмоқда. Бу ҳақда SportWitness нашри хабар бермоқда.
Манбаларнинг таъкидлашича, «Арсенал» яқин ҳафталар ичида футболчи тўп сураётган «Сан-Паулу» клубини қизиқтириши мумкин бўлган таклиф тайёрламоқда. Экспертлар Маркеснинг улкан салоҳиятини алоҳида қайд этишмоқда ва бу иқтидор айнан «Арсенал» сафида тўлиқ очилиши мумкинлигини тахмин қилишмоқда.
Лукка Маркес — «Сан-Паулу» академияси тарбияланувчиси ҳисобланади. Жорий мавсумда ярим ҳимоячи асосий жамоа сафида 6 та ўйинда майдонга тушди, ҳозирча натижали ҳаракатларни амалга оширишга улгурмади.
