«Фенербахче» ярим ҳимоячиси Марко Асенсио «Реал»дан кетгани ҳақида гапириб ўтди.

«Менинг «Реал»дан кетганимми? Мен мураббий ва «Реал» мухлисларига нисбатан катта меҳр-муҳаббат ҳис қилардим, лекин ҳаётимда ва фаолиятимда янги мақсадлар керак эди. Нима бўлганда ҳам, «Реал» — менинг уйим ва у доимо уйим бўлиб қолади, чунки мен болалигимдан «Реал» мухлиси бўлганман.

Мендан тез-тез «Реал» ҳақида сўраб туришадими? Ҳа, «Фенербахче»да ҳам, «Астон Вилла» ва «ПСЖ»да ҳам мендан бу ҳақда сўрашган. Мен уларга «Реал» — дунёдаги энг катта клуб, деб жавоб бераман», — деди Асенсио.

Эслатиб ўтамиз, Марко Асенсио 2015 йилдан 2023 йилгача «Реал» шарафини ҳимоя қилган. У «қаймоқранглилар» сафида жами 286 та ўйинда майдонга тушиб, 61 та гол урган ва 32 та голли узатмани амалга оширган.