«Fenerbaxche» yarim himoyachisi Marko Asensio «Real»dan ketgani haqida gapirib o‘tdi.
«Mening «Real»dan ketganimmi? Men murabbiy va «Real» muxlislariga nisbatan katta mehr-muhabbat his qilardim, lekin hayotimda va faoliyatimda yangi maqsadlar kerak edi. Nima bo‘lganda ham, «Real» — mening uyim va u doimo uyim bo‘lib qoladi, chunki men bolaligimdan «Real» muxlisi bo‘lganman.
Mendan tez-tez «Real» haqida so‘rab turishadimi? Ha, «Fenerbaxche»da ham, «Aston Villa» va «PSJ»da ham mendan bu haqda so‘rashgan. Men ularga «Real» — dunyodagi eng katta klub, deb javob beraman», — dedi Asensio.
Eslatib o‘tamiz, Marko Asensio 2015 yildan 2023 yilgacha «Real» sharafini himoya qilgan. U «qaymoqranglilar» safida jami 286 ta o‘yinda maydonga tushib, 61 ta gol urgan va 32 ta golli uzatmani amalga oshirgan.













