«Бавария» ҳужумчиси Серж Гнабри Мадриднинг «Реал» клубига қарши ўйин олдидан Килиан Мбаппе ва Винисиус Жуниорнинг ўйинлари ҳақида ўз фикри билан ўртоқлашди.

Жамоалар Чемпионлар Лигаси чорак финалида тўқнаш келишади. Дастлабки учрашув сешанба куни «Сантьяго Бернабеу» стадионида бўлиб ўтади.

«Мбаппе ва Винисиус — энг кучли футболчилар, бу борада гапиришга ҳожат йўқ. «Реал» жуда сифатли таркибга эга. Бу, айниқса, ҳужум чизиғига тегишли, лекин ҳимояда ҳам, албатта, шундай. Шубҳасиз, Мбаппе ва Винисиус ажралиб туришади, аммо сўнгги пайтларда Браим Диас ҳам ўзини жуда яхши кўрсатмоқда.

Биз эҳтиёткор бўлишимиз ва уларга хоҳлаган ишларини қилишларига йўл қўймаслигимиз керак. Нималарга қодирлигимизни кўрсатишимиз, жамоавий руҳимизни намойиш этишимиз лозим. Шу билан бирга, менинг фикримча, ўз ўйинимизни кўрсатиш жуда муҳим — бизнинг ҳам ўз кучли томонларимиз бор», — дея «Diario AS» Гнабрининг сўзларини келтирмоқда.

Баҳс Тошкент вақти билан соат 00:00 да бошланади. Жавоб учрашуви 15 апрель куни бўлиб ўтади.