"Барселона" ярим ҳимоячиси Френки де Йонг ҳозирча умумий гуруҳ машғулотларига киришмади. Бу ҳақда Diario AS нашри хабар бермоқда.
Шунга қарамай, футболчи шанба куни "Эспаньол"га қарши бўлиб ўтадиган ўйингача тикланишга улгуришига ишончи комил. Ярим ҳимоячи ушбу баҳсда бир неча дақиқа майдонда ҳаракат қилиши ва Чемпионлар Лигаси доирасида "Атлетико"га қарши кечадиган жавоб ўйинида асосий таркибдан жой олиши мумкинлигини таъкидламоқда.
Жорий мавсумда де Йонг барча мусобақаларда 31 та учрашувда майдонга тушди, битта гол урди ва етти бор шерикларига голли узатма берди.
"Барселона" ва "Атлетико" ўртасидаги Чемпионлар Лигаси чорак финал дастлабки учрашуви чоршанба куни, 8 апрель куни бўлиб ўтади. Қарама-қаршилик Тошкент вақти билан соат 00:00 да бошланиши режалаштирилган.













