"Удинезе" ва "Комо" жамоалари А Сериянинг 31-тури доирасидаги баҳсда дуранг (0:0) ўйнашди.
Мураббий Франсеск Фабрегас бошчилигидаги жамоа чемпионатда қаторасига еттита ўйиндан бери мағлубият нималигини билмаяпти. Ушбу давр мобайнида "Комо" бешта ғалаба ва иккита дуранг қайд этди.
Ҳозирда "Комо" А Серия турнир жадвалида 31 ўйиндан сўнг 58 очко жамғариб, Чемпионлар Лигаси йўлланмасини берувчи тўртинчи ўринда бормоқда.
Бешинчи поғонадан эса бугун "Женоа"га қарши майдонга тушадиган "Ювентус" (54 очко) жой олган.
Навбатдаги учрашувни "Комо" 12 апрель куни ўз майдонида "Интер"га қарши ўтказади.
