Конго Демократик Республикаси бир нечта икки фуқароликка эга бўлган футболчиларни Жаҳон чемпионатида ўз байроғи остида тўп суришга кўндириш учун Европага ўз вакилларини юборди. Рўйхатдан қуйидаги футболчилар ўрин олган:

Сенни Маюлу (“ПСЖ”)
Эл-Шадай Битшиабу (“РБ Лейпциг”)
Антони Миламбо (“Брентфорд”)

Улар орасида энг номдор футболчи — трансфер нархи 40 миллион еврога баҳоланаётган 19 ёшли ярим ҳимоячи Сенни Маюлудир. У жорий мавсум “ПСЖ” сафида 32 та ўйинда майдонга тушиб, 5 та гол ва 5 та голли узатмани амалга оширди. Париж клуби таркибида УЕФА Чемпионлар Лигаси, FIFA Қитъалараро кубоги, Франция чемпионати, Кубоги ва Суперкубогида зафар қучди. Айниқса, 2025/2026 йилги ЕЧЛ финалида “Интер” дарвозасини ишғол этгани диққатга сазовордир.

Агар Конго жамоаси ушбу иқтидорларни ўз сафига жалб қила олса, таркиб яна уч нафар юқори савияли легионер билан кучаяди.

Маълумот учун, Конго Демократик Республикаси терма жамоаси 2026 йилги Жаҳон чемпионати қитъалараро плей-офф босқичи финалида Ямайка устидан 1:0 ҳисобида ғалаба қозониб, мундиал йўлланмасини қўлга киритган эди.

Африка қитъаси вакили мундиалнинг “К” гуруҳида Ўзбекистон, Португалия ва Колумбия терма жамоаларига қарши баҳс олиб боради. Конго ДР ва Ўзбекистон ўртасидаги 3-тур учрашуви 28 июнь куни “Атланта” стадионида ўтказилади.