Лондоннинг «Челси» клуби ҳимоячиси Рис Жеймс сонидан олган жароҳатидан сўнг тикланиш жараёнини давом эттирмоқда. Guardian журналистларига маълум бўлишича, жамоа сардори кутилганидан эртароқ майдонга қайтиши мумкин.
Аввалроқ матбуотда 26 ёшли инглиз футболчиси жорий мавсумнинг қолган қисмини ўтказиб юбориши хавфи борлиги ҳақида хабар берилган эди. Янгиланган маълумотларга кўра, Жеймснинг қайтиши апрель ойининг охири ёки келаси ойнинг бошига режалаштирилмоқда.
Англия Премьер-лигасининг жорий мавсумида ҳимоячи 27 та учрашувда майдонга тушди. Рис ўз ҳисобига иккита гол ва тўртта голли узатмани ёздириб қўйди. Шунингдек, ҳимоячининг пассивида тўртта сариқ карточка мавжуд.
