«Рома» учун Милан сафари нафақат турнир жадвалида пешқадамлик қилаётган «Интер»дан қабул қилинган 2:5 ҳисобидаги мағлубият, балки кадрлар йўқотиши билан ҳам муваффақиятсиз кечди. Жан Пьеро Гасперини шогирдлари ушбу баҳсда Жанлука Манчинидан айрилди — футболчи жароҳат олиб, майдонни муддатидан аввал тарк этишга мажбур бўлди.
Forzaroma.info нашрининг чуқурлаштирилган тиббий кўрик натижаларига таяниб хабар беришича, Манчини энг яхши ҳолатда 25 апрель куни бўлиб ўтадиган «Болонья»га қарши ўйингача сафга қайтиши мумкин. Бироқ, футболчининг ушбу баҳсни ҳам ўтказиб юбориш эҳтимоли йўқ эмас.
Айни дамда «Рома» Италия А Серияси турнир жадвалида олтинчи ўринни эгаллаб турибди.
