Италиянинг «Милан» клуби собиқ футболчиси Алессандро Костакуртанинг фикрича, «Интер»нинг март ойидаги натижаларида кузатилган бироз пасайиш фақатгина аргентиналик Лаутаро Мартинеснинг йўқлиги билан боғлиқ. У Лаутарони клубнинг энг муҳим ўйинчиси деб ҳисоблайди.

«Мен аввал ҳам айтганман — чемпионатда интрига қайтди деб бўлмайди, чунки «Интер» бунга асос бергани йўқ. Улар Лаутаро Мартинеснинг қайтишини кутишди. У А Сериянинг энг яхши футболчиси эмасдир, лекин ўз жамоаси учун энг муҳим ўйинчи ҳисобланади», — дея Костакуртанинг сўзларини келтиради fcinter1908.it нашри.

Аргентиналик ҳужумчи 2018 йилдан буён миланликлар сафида тўп суриб келмоқда ва клуб билан биргаликда икки бор Италия чемпионига айланган.