Italiyaning «Milan» klubi sobiq futbolchisi Alessandro Kostakurtaning fikricha, «Inter»ning mart oyidagi natijalarida kuzatilgan biroz pasayish faqatgina argentinalik Lautaro Martinesning yo‘qligi bilan bog‘liq. U Lautaroni klubning eng muhim o‘yinchisi deb hisoblaydi.
«Men avval ham aytganman — chempionatda intriga qaytdi deb bo‘lmaydi, chunki «Inter» bunga asos bergani yo‘q. Ular Lautaro Martinesning qaytishini kutishdi. U A Seriyaning eng yaxshi futbolchisi emasdir, lekin o‘z jamoasi uchun eng muhim o‘yinchi hisoblanadi», — deya Kostakurtaning so‘zlarini keltiradi fcinter1908.it nashri.
Argentinalik hujumchi 2018 yildan buyon milanliklar safida to‘p surib kelmoqda va klub bilan birgalikda ikki bor Italiya chempioniga aylangan.
