«Бавария» бош мураббийи Венсан Компани Чемпионлар лигаси 1/4 финали доирасидаги «Реал»га қарши сафар ўйини олдидан ўз фикрларини билдирди.
«Бавария» қарама-қаршилик фаворити сифатида кўрилаётган бўлса-да, Компани Мадридда жамоаси учун жуда қийин бўлишига ишончи комил.
«Биз «Реал»нинг энг яхши версиясига тайёрланишимиз керак. Худди «Манчестер Сити»га қарши ўйинлардаги каби ҳолатга. Улар ҳали ҳам Европанинг энг кучли жамоаларидан бири бўлиб қолмоқда. Эҳтимол, бу Чемпионлар лигасидаги энг қийин сафар ўйини бўлар. Биз шу ерда ғалаба қозонишни истаймиз», — деди Компани матбуот анжуманида.
