Лондоннинг «Арсенал» клуби ярим ҳимоячиси Нони Мадуэке Чемпионлар лигаси чорак финали доирасида Лиссабоннинг «Спортинг» жамоасига қарши кечадиган иккинчи баҳсни интиқлик билан кутмоқда.
Футболчи жамоасининг ўз майдонида ўтадиган учрашувларига алоҳида ҳаяжон билан ёндашишини тан олди. Жамоалар ўртасидаги дастлабки ўйин Португалия пойтахтида бўлиб ўтади.
«Ўз уйингда ўйнаганингда, трибуналар сен билан эканлигини ва сенинг кейинги ҳаракатингни кутаётганини ҳис қиласан. Бу ажойиб туйғу, уни сўз билан ифодалаш қийин ва бу ҳиссиётни яна ва яна туйишни хоҳлайсан», — дея футболчининг сўзларини келтиради УЕФА матбуот хизмати.
