«Бавария» сешанба оқшомида Чемпионлар лигаси доирасида «Реал»га қарши сафар ўйинини ўтказади. Мюнхен жамоаси ярим ҳимоячиси Йозуа Киммих бўлажак тўқнашув ҳақидаги фикрлари билан ўртоқлашди.
«Агар «Реал»ни мағлуб этишни истасанг, ҳам руҳий, ҳам тактик жиҳатдан максимал даражада бўлишинг керак. Кайфиятимиз яхши, ҳамма тайёр. Бу ерда ўйнашдан хурсандмиз. Ҳар бир футболчи мана шундай катта синовларни орзу қилади. Баҳсни интиқлик билан кутяпмиз», — деди Киммих матбуот анжуманида.













