«Ювентус» бош мураббийи Лучано Спаллетти А Серия 31-тури доирасидаги «Дженоа» устидан қозонилган ғалабадан (2:0) сўнг ўз фикрлари билан ўртоқлашди.

«А Сериядаги 300-ғалаба мен учун нимани англатади? Бу менинг анча қариб қолганимни англатади (кулади).

Йўқ, жамоа иккинчи бўлимда чарчаб қолгани йўқ. Кеча ва ўтган куни биз машғулот ўтказмадик. Футболчилар терма жамоалардан қайтишди, уларда икки кун дам олиш вақти бўлди, кейин эса бор-йўғи бир яримта машғулот ва танаффус. Улар майдонга шунчаки чигалёзди машқларини бажариш учун тушишди. Чарчоқ йўқ эди, шунчаки баъзида ўзингнинг энг яхши ҳолатингда эмаслигингга кўникиб қоласан.

Мен бу ерда аллақачон олти-етти ойдан бери ишлаяпман ва ҳалигача нима билан тўқнаш келаётганимни охиригача тушуниб етганим йўқ. Биринчи ва иккинчи бўлимдаги ўйин бутунлай фарқли бўлиши керак эмас... Агар бирор воқеа юз берса — футболда эса ҳамма нарса шундай лаҳзаларга боғлиқ — масалан, пенальти белгиланса, ўйин бутунлай бошқача тус олиб кетади», — дея Спаллеттининг сўзларини келтирмоқда Calciomercato.

Ушбу учрашувда «Ювентус» таркибида Бремер (4-дақиқа) ва Маккенни (17-дақиқа) гол уриб, жамоасига ишончли ғалабани тақдим этишди.