"Бавария" ва Германия терма жамоаси ҳимоячиси/ярим ҳимоячиси Йозуа Киммих Италия терма жамоасининг муваффақиятсизлиги — жамоанинг ЖЧ-2026 га чиқа олмагани ҳақида фикр билдирди. Афтидан, Киммихга бу саволни италиялик журналист берган.
"Италия кетма-кет учта жаҳон чемпионатини ўтказиб юборди, бироқ бу орада сизлар Европа чемпиони бўлдингиз. Биз эса [Германия терма жамоаси] охирги 10 йил ичида фақатгина битта Конфедерациялар кубогини қўлга киритдик, холос. Эҳтимол, мен бу саволга жавоб бериши керак бўлган энг тўғри одам эмасдирман, лекин мен доим сизларнинг жаҳон ва Европа чемпионатларида ўйнашингизга умид қиламан. Италия — ажойиб футболчиларга эга бўлган буюк мамлакат, мен уларни мундиалда кўришни истардим. Шу сабабли, воқеалар бундай тус олганидан хурсанд эмасман", — дея Киммихнинг сўзларини келтиради The Touchline.
Эслатиб ўтамиз, Италия охирги марта 2014 йилги жаҳон чемпионатида иштирок этган эди.
