"Ноттингем Форест"нинг Эллиот Андерсон эҳтимолий трансфери борасидаги позицияси маълум бўлди.
Sky Sport журналисти Флориан Плеттенбергнинг хабар беришича, клуб 23 ёшли ярим ҳимоячи билан шартнома имзолаш учун "Манчестер Юнайтед" жиддий даъвогар бўлиб қолишини кутишмоқда. Шунингдек, унга "Манчестер Сити" ҳам қизиқиш билдирган эди, бироқ ҳозирда "шаҳарликлар" Родри билан шартномани узайтиришга эътибор қаратишган.
Ҳозирча ҳеч қайси клуб "Форест" билан бевосита боғланмаган, клуб эса футболчи учун 100-120 миллион фунт сўраши кутилмоқда.
АПЛнинг жорий мавсумида Андерсон 31 та ўйин ўтказиб, 2 та гол урди ва 2 та голли узатмани амалга оширди.
