Ҳуқуқий жиҳатдан "Реал"га тегишли бўлган "Лион" ҳужумчиси Эндрик ўз кумирлари ҳақида тўхталди.
"Мен EA Sports FC ўйинининг ашаддий ишқибозиман ва Ultimate Team'да кўп ўйнайман. Бобби Чарльтондан ташқари, менга Рууд Гуллит билан ўйнаш ҳам ёқади. Мен Чарльтон тарихини ўрганишни бошладим, чунки у ҳужумчи бўлишига қарамай, ярим ҳимояда ҳам ўйнаган ва жуда яхши ҳимояланган. Мен ўзим ўйнайдиган футболчилар тарихини билишни яхши кўраман, лекин уни унчалик яхши танимасдим, шунинг учун у ҳақида маълумот қидирдим ва унинг "Манчестер Юнайтед"да ўйнаганини, Европа чемпионлари кубогини ютганини ҳамда маҳаллий мухлисларнинг меҳрига сазовор бўлганини билдим. Унинг тарихи менга ёқиб қолди ва уни ўйинда тез-тез ишлатадиган бўлдим, чунки унинг зарбаси даҳшатли. Афсуски, у билан шахсан учрашиш насиб этмади, лекин интернетда у иштирок этган лавҳаларни кўрганман", — дея Эндрикнинг сўзларини келтиради FourFourTour.
Эслатиб ўтамиз, Бобби Чарльтон 1956 йилдан 1973 йилгача "Манчестер Юнайтед"да тўп тепган. У 1966 йилги жаҳон чемпиони ҳисобланади.
