Франция терма жамоаси бош мураббийи Дидье Дешам юлдуз футболчилар билан ишлаш ҳақида ўз фикрларини билдирди.
"Менга тез-тез: "Оо, Мбаппе, Олисе, Дембелени бошқариш осон бўлмаса керак-а...?" деб савол беришади. Лекин менимча, Лига 1 ва Лига 2даги ёш футболчиларни бошқариш анча қийинроқ, чунки у ерда муаммолар тамоман бошқача.
Менинг устунлигим шундаки — менинг футболчиларим чиндан ҳам маҳоратли. Асосий муаммо эса ўзларини зўр деб ҳисоблайдиган, аммо аслида ундай бўлмаган футболчиларни бошқаришдадир", — деди Дешам матбуот анжуманида.
Эслатиб ўтамиз, Дидье Дешам бошчилигидаги Франция терма жамоаси 2018 йилги жаҳон чемпионатида ғолиб чиққан. Охирги мундиалда эса французлар финалда Аргентинага пенальтилар сериясида имкониятни бой беришган эди.













