"Атлетико" жамоаси бош мураббийи Диего Симеоне Чемпионлар лигаси 1/4 финали доирасида "Барселона"га қарши кечадиган дастлабки ўйин учун қайдномани эълон қилди. Шунга эътибор қаратиш лозимки, "матрасчилар" қайдномасида асосий дарвозабон Ян Облак мавжуд эмас.
Аввалроқ, Облак мушакларидаги жароҳати сабабли "Атлетико"нинг тўртта ўйинини ўтказиб юборган эди. Шунга қарамай, словениялик посбон "Камп Ноу"даги баҳсда иштирок эта олиши тахмин қилинганди. Афтидан, "Атлетико" дарвозасини ушбу ўйинда Хуан Муссо эгаллайди.
"Барселона" ва "Атлетико" ўртасидаги Чемпионлар лигаси баҳси чоршанба куни, 8 апрель куни "Камп Ноу" стадионида бўлиб ўтади. Жавоб учрашуви эса олти кундан кейин — 14 апрель куни ўтказилади.













