ФИФА Испания терма жамоаси мухлислари томонидан миллий жамоа ўйини вақтида мусулмонларга қарши айтилган ҳайқириқлар бўйича суриштирув ишларини бошлади.
31 март куни Барселонада бўлиб ўтган Испания ва Миср терма жамоалари ўртасидаги ўртоқлик учрашувида (0:0) мухлислар: "Ким сакрамаса, ўша мусулмон" мазмунидаги ҳайқириқларни ишлатишган. Шунингдек, ўйин бошланишидан олдин испаниялик ишқибозлар рақиб жамоа мадҳиясини ҳуштаклар билан кутиб олишган.
El Partidazo de COPE нашри берган маълумотга кўра, бугун ФИФА ушбу ҳолатлар юзасидан Испания Қироллик футбол федерациясига (RFEF) нисбатан интизом иши очган.
