"Барселона" ҳужумчиси Роберт Левандовски клуб билан шартномасини узайтириши мумкин. Полякнинг "кўк-анорранглилар" билан амалдаги меҳнат шартномаси шу ёзда ўз ниҳоясига етади.
Журналист Рохер Тореллонинг маълумотларига кўра, ҳужумчи маоши камайишига рози бўлган ҳолда янги битим имзолашга тайёр. Бироқ, у аввал Каталония гранди таклиф қиладиган аниқ шартлар билан танишиб чиқмоқчи.
Роберт Левандовски жорий мавсумда "Барселона" сафида барча турнирларда 38 та ўйинда майдонга тушиб, 17 та гол ва 3 та голли узатмага муаллифлик қилди. Миш-мишларга кўра, 37 ёшли футболчига "Ювентус", "Милан" ва "Чикаго Файр" клублари қизиқиш билдирмоқда.
