Мадриднинг "Реал" клуби "Манчестер Сити" ярим ҳимоячиси Родрини ўз сафига қўшиб олиш фикридан воз кечгани йўқ. "Шаҳарликлар" етакчиси ҳали ҳам "қаймоқранглилар"нинг келаётган ёзги трансфер ойнаси учун режаларида бор.
Бироқ, "Defensa Central" хабарига кўра, "қироллик клуби" трансферни фақат иккита шарт бажарилсагина амалга оширишга ҳаракат қилади:
Хавбек Испания терма жамоаси сафида Жаҳон чемпионатида ўзининг жисмоний ҳолати жойида эканини исботлаши керак.
Трансфер нархи 50 миллион евродан ошмаслиги лозим.
"Transfermarkt" портали Родрининг бозор қийматини 65 миллион еврога баҳоламоқда. Шу йилнинг июнь ойида 2024 йилги "Олтин тўп" соҳиби 30 ёшга тўлади
