Мадриднинг "Реал" клуби ўнг қанот ҳимоячиси Трент Александер-Арнольд ўз уйларидаги мағлубиятдан сўнг "Бавария"га қарши бўладиган жавоб учрашуви ҳақидаги фикрлари билан ўртоқлашди. Альваро Арбелоа шогирдлари ўз майдонларида 1:2 ҳисобида имкониятни бой беришди.
Кейинги чоршанба, 15 апрель куни жамоалар Мюнхенда тўқнаш келишади.
"Альянц Арена"да ғалаба қозониш — энг қийин вазифа. Аммо бизнинг мақсадимиз — турнирда ғолиб чиқиш, шунинг учун у ердан ғалаба билан қайтиш учун қўлимиздан келган барча ишни қиламиз", — дея журналист Фабрицио Романо Трентнинг сўзларини келтирди.
Ушбу жуфтлик ғолиби ярим финалда "Ливерпуль" ёки "ПСЖ" жамоаларидан бири билан куч синашади. Ушбу жамоалар ўртасидаги дастлабки тўқнашув бугун "Парк де Пренс" стадионида бўлиб ўтади.
