Англиянинг «Арсенал» клуби ҳужумчиси Габриэль Мартинелли Чемпионлар Лигаси 1/4 финали дастлабки учрашувида Португалиянинг «Спортинг» жамоаси устидан қозонилган ғалаба (1:0) ҳақида фикр билдирди. Учрашувдаги ягона гол 90+1-дақиқада Кай Хавертц томонидан киритилди.
«Биз «Спортинг» қанчалик кучли эканлигини билардик. Охирги ҳафта давомида буни Виктор [Дьёкереш] билан кўп муҳокама қилдик. У бизга «Спортинг» ҳақида кўп нарсаларни сўзлаб берди. Бундан ташқари, кўплаб видеоматериалларни кўриб чиқдик. Бу ерга келиб, гол ўтказмасдан ғалабани илиб кетиш жуда қийин, аммо биз бунга лойиқ эдик. Жуда хурсандман, лекин бу ҳали биринчи ўйин. Жавоб баҳсига ҳам худди шундай кайфиятда ёндашамиз», — дея Мартинеллининг сўзларини УЕФА расмий сайти келтирмоқда.
