«Челси» ва Англия терма жамоасининг собиқ юлдузи Фрэнк Лэмпард Чемпионшипда мавсумнинг энг яхши мураббийи номига даъвогарлар рўйхатидан жой олди. Бу ҳақда «BBC» хабар бермоқда.
Ҳозирда Лэмпард «Ковентри» жамоасини бошқармоқда. Ушбу соврин учун курашда унга қуйидаги мутахассислар рақобатчилик қилади:
Алекс Нил («Миллуолл»)
Сергей Якирович («Халл Сити»)
Ким Хеллберг («Мидлсбро»)
Ғолиблар номи 19 апрель, якшанба куни Лондонда бўлиб ўтадиган Англия футбол лигасининг (EFL) ҳар йиллик тақдирлаш маросимида эълон қилинади.
Лэмпард бошчилигидаги «Ковентри» тарихий натижага жуда яқин турибди: жамоа қолган 5 та ўйинда бор-йўғи 4 очко тўпласа, орадан 25 йил ўтиб яна АПЛга йўлланма олади. Маълумот учун, 2025 йилда «Бернли» устози Скотт Паркер Чемпионшипнинг энг яхши мураббийи деб топилган эди.
