Ўзбекистон Суперлигасининг 6-туридан ўрин олган ОКМК — “Сурхон” учрашуви ўз якунига етди. Тошкент шаҳридаги “Олимпик” стадионида ўтган ўйин тенг курашлар остида кечди.

Ҳисоб 3-дақиқада “ОКМК” вингери Нодир Абдураззоқов томонидан очилди.

90+6-дақиқада Термиз жамоасининг нигериялик легионери Стефен Чинеду жарима зарбасидан узатилган тўпни акробатик услубда ОКМК дарвозасига жойлаб қўйди. Шу тариқа, учрашув 1:1 ҳисобида якунланди.

Мазкур натижа эвазига Олмалиқ жамоаси очколари сонини 5 тага етказиб, турнир жадвалининг 14-поғонасида бормоқда. “Сурхон” эса 8 очко билан 9-ўринни эгаллаб турибди.

Миржалол Қосимов бошқарувидаги ОКМК 12 апрель куни 7-тур доирасида “Андижон” майдонига сафар қилади. Анвар Ғофуров бошқарувидаги “Сурхон” эса “Навбаҳор”га қарши баҳс олиб боради.

Ўзбекистон Суперлигаси, 6-тур
ОКМК — “Сурхон” 1:1
Голлар: 1:0 — Абдураззоқов (3), 1:1 — Чинеду (90+6).