Диего Симеоне мураббийлик фаолияти давомида «Барселона» устидан саккизинчи ғалабасини қўлга киритди.
Унинг бошқарувидаги «Атлетико» Чемпионлар лигасида «блауграна»ни 2:0 ҳисобида мағлуб этди.
Аргентиналик мутахассис каталонияликларга қарши жами 45 та ўйинда иштирок этган. Ушбу баҳсларнинг фақат 8 тасида «Атлетико» ғалаба қозонган, 12 та учрашув дуранг билан тугаган ва 25 та ўйинда имконият бой берилган. Симеонени жорий мавсумда «Барселона»га қарши сўнгги тўқнашув 14 апрель куни кутмоқда.













